Белата куќа денеска соопшти дека САД се подготвени да преговараат со Северна Кореја, но таа прво треба да ги исполни резолуциите на Советот за безбедност на ОН и да се согласи да ја прекине својата нуклеарна програма.
– Секогаш сме биле за дијалог и всушност сме утврдувале линии за врска со Северна Кореја, изјави Кејтлин Хејдон, портпаролка на Советот за национална безбедност на САД.
Пјонгјанг денеска им предложи на САД преговори на високо ниво, со цел да се намалат тензиите на Корејскиот полуостров. Во предлогот се наведува дека разговорите треба да се одржат без никакви услови. На Вашингтон му е предложено да ги определи датумот и местото на средбата.