Американскиот претставник во преговорите за обновнување на дипломатските односи со Куба Роберта Џејкобсон изјави по вториот круг од разговорите дека тие биле мошне конструктивни и оти е можно двете страни наскоро да отворат амбасади.
Џејкобсон, којa е помошник-државен секретар на САД истакна дека е можно двете држави да успеат да ги отворат амбасадите пред Самитот на Јужна и Северна Америка, кој ќе се одржи на 10 и 11 април во Панама. Се очекува на Самитот да учествуваат американскиот претседател Барак Обама и кубанскиот претседател Раул Кастро.
– И покрај постигнатиот суштински напредок во вториот круг од преговорите, кој се одржа вчера во Вашингтон, се уште има сериозни несогласувања, изјави Џејкобсон.