Американската Администрација го повлече предлогот да се дозволи на обезбедувањето на турскиот претседател Реџеп Тајип Ердоган да купи оружје од американско производство во вредност од 1,2 милиони долари.
Официјален претставник на Конгресот изјави дека Стејт Департментот формално го повлекол предлогот за планирана продажба.
На почетокот на годинава, Администрацијата на Доналд Трамп го извести Конгресот дека планира да му дозволи на производителот на оружје „Сиг Сауер“ од Њу Хемпшир да му продаде неколку стотици полуавтоматски пушки и муниција на еден турски посредник, кое ќе го користи обезбедувањето на турскиот претседател.
Против 19 лица, вклучувајќи и 15 припадници на турските безбедносни сили во САД, е покренато обвинение поради напад на демонстрантите пред турската Амбасада во мај годинава.