САД назначија специјален претставник за Арктикот за унапредување и заштита на американските интереси на Арктикот, се вели во денешното соопштение од Стејт департментот.
-За заштита на американските интереси и соработка со сојузниците и партнерите на Арктикот, и по долготрајни консултации со членови на Конгресот, локални и федерални владини лица … претседателот го подига статусот на координаторот за Арктикот со назначување дипломат, специјален претставник за арктички регион, изјави Ведант Пател, заменик портпарол на Стејт департментот.
Именувањето на специјалниот претставник за арктички регион треба да помине низ Сенатот.
Според Пател, специјалниот претставник ќе ја унапредува политиката на САД на Арктикот, ќе се ангажира со своите колеги од арктичките и неарктичките нации, како и со домородни групи, и тесно ќе соработува со заинтересирани домашни играчи.
Се вели дека САД остануваат посветени на конструктивна соработка во Арктичкиот совет, во кој покрај САД членуваат и Канада, Данска (го претставува Гренланд), Финска, Исланд, Норвешка, Русија и Шведска.
Извор: МИА