Администрацијата на американскиот претседател, Барак Обама би можела во август да започне со испорака на оружје на сириските бунтовници, пренесе „Ројтерс“.
Британската агенција, ја пренесе изјавата на претседателот на конгресниот одбор за безбедност, Мајк Роџерс, кој рече дека администраијата сега може да продолжи со подготовките за испорака на оружје.
Одлуката за тоа наводно е донесена откако Конгресот го отфрли сомнежот дека оружјето би можело да дојде во рацете на исламските екстремисти.
-Важно е да напоменеме дека ние и понатаму сме резервирани кон таа идеја, но со консензус прифативме да продолжиме со планот, додаде Роџерс.
Британската агенција наведува дека во текот на последните неколку месеци, силите на претседателот Башар ал Асад освоиле значаен дел од територијата и дека се во постојани офанзиви.
Eлена Георгиевска