Администрацијата на Трамп работи на тоа најстарото египетско исламистичко движење Муслимаско братство да го прогласи за странска терористичка организација, соопшти денеска Белата куќа.
– Претседателот се консултираше со својот тим за национална безбедност и лидерите во регионот, кои ја делат неговата загриженост и на прогласувањето се работи низ внатрешен процес, изјави портпаролката на Белата куќа Сара Сендерс.
Египетскиот претседател Абдел Фатах ал Сиси побара од американскиот претседател Доналд Трамп да го прогласи Муслиманското братство за терористичка организација, што Египет веќе го стори.
Мулиманското братство дојде на власт на првите слободни избори во модерен Египет во 2012 година, една година по симнувањето од власт на долгогодишниот автократ Хосни Мубарак преку народно востание. Движењето сега е забрането и илјадници негови поддржувачи и голем број лидери се во затвор.