Сад испратија ракетен уништувач во Оманскиот Залив каде што се случија нападите на нафтени танкери, соопшти американската Централна команда (ЦЕНТКОМ).
„Нема да толерираме никакво мешање и активности насочени против американската војска”, велат од ЦЕНТКОМ.
Станува збор за уништувачот „Мејсон“ од класата „Арли Берк“, а опремен е со навигациско оружје и крстосувачки ракети од типот “Томахавк”.
Командата, исто така, истакнува дека војната со Иран не е во согласност со стратешките интереси на САД и целата светска заедница, но исто така и дека Америка, и покрај тоа, ќе ја заштити слободата на пловење и трговијата во регионот.
Иранските и арапските медиуми објавија дека нафтените танкери “Фронт Алтајр” и “Кокука куреиџос”, биле нападнати во Оманскиот Залив. Според некои информации, се биле торпедирани, што предизвикало експлозии и пожар на бродовите.
Сепак, не постои официјална потврда дека токму тоа е причината за инцидентот. Сите членови на екипажот беа евакуирани во Иран. Според сопственикот на еден од танкерите, на “Фронт Алтаир” имало 11 руски државјани, ниту еден од нив не бил повреден.