Американски маринци со шест воени авиони пристигнаа во Либерија, која е една од трите најтешко погодени земји од еболата во западна Африка, со цел да помогнат во спречувањето на ширењето на заразата.
Со авионите, кои слетале во близина на либерсикиот главен град Монровија, пристигнале уште сто маринци, со што, како што соопшти командантот на американските сили во земјата, генерал-мајор Дерил Вилијамс, вкупниот број на припадници на Маринскиот корупс на САД во Либерија достигна над 300 лица.
Од авионите биле истоварени сандаци со опрема, а либериски здрвствени работници веднаш по пристигнувањето на војниците им ја измериле телесната температура.
Според најавите од Вашингтон, во Либерија би можеле да бидат испратени и до 4.000 американски војници, кои би помагале во справувањето со болеста.