САД и Талибанците преговараат за седумдневно прекинување на насилствата

Од:

Американскиот министер за одбрана, Марк Еспер денеска изјави дека САД и Талибанците преговарале за предлогот за седумдневно прекинување на насилствата.

Според извори на западни медиуми, мировниот договор меѓу САД и Талибанците ќе биде потпишан овој месец, ако Талибанците драстично ги намалат своите насилни активности и на крајот би можеле да доведат до повлекување на американската војска од Авганистан.

“САД и Талибанците преговараа за седумдневно намалување на насилствата”, изјави Еспер на прес-конференција во седиштето на НАТО во Брисел.

“Се консултирав со сојузниците денеска за овој предлог и имавме серија продуктивни билатерални и заеднички состаноци на патот кон остварување на тој потег”, додаде тој.

Авганистанскиот претседател Ашраф Гани во вторникот изјави дека американскиот министер за надворешни работи Мајк Помпео му истакнал дека е постигнат „значителен напредок“ во преговорите за Вашингтон и Талибанците.

Тие преговори беа делумно запрени со барањето на САД, Талибанците да го прекинат насилството како предуслов за повлекување на САД.

Околу 13.000 американски војници се во Авганистан, како и илјадници персонал на НАТО, осумнаесет години откако коалицијата предводена од САД ја нападна земјата по терористичкиот напад на 11 септември 2001 година.

Би можело да ве интересира

САД: Ќе работиме со Северна Македонија и Грција да го одржaт Договорот од Преспа

Во САД се пронајдени 200 деца кои се бараа како исчезнати

Горан Наумовски

Американските бази во Европа во состојба на готовност поради можни терористички напади

Вашингтон пост: Од почетокот на војната, САД му дадоа на Израел 6,5 милијарди долари помош

Горан Наумовски

Нова трагедијата во Флорида: Девојче почина во вжештен автомобил

(ВИДЕО) Бајден прогласи состојба на голема катастрофа во Ново Мексико