Американскиот државен секретар Џон Кери, му порача на Пјонгјанг да не се игра со провокации и дека САД ќе застанат во одбрана на Јужна Кореја и сојузниците доколку дојде до напад.
Предупредувањето е последица на преместувањето на северно корејските проектили кон исток .
– ОН треба да одлучат што ќе прават. Тоа нема да го смени нашиот став. Ние ќе ги браниме нашите сојузници, ќе застанеме зад Јужна Кореја и Јапонија и секако ќе се браниме себе си. Тој мора да биде свесен за последиците од овој судир – изјави Кери, и додаде дека САД се подготвени и за продолжување на разговорот.
Кери нагласи дека услов е Пјонгјанг да престане со нуклеарната програма и да започне да се однесува во рамките на меѓународните обврски.
Американскиот државен секретар ќе ја посети Кина, од која ќе побара да влијае на смирување на режимот на Пјонгјанг, а потоа ќе ја посети Јапонија.
Елена Георгиевска