Администрацијата на Трамп бара меѓународна коалиција за обезбедување на Ормутскиот теснец, и покрај неговите остри вербални напади врз сојузниците и тврдењата дека САД можат да го сторат тоа сами. Според интерен документ што го виде новинар на NBC News, САД започнаа нова иницијатива за да им помогнат на бродовите да се движат низ клучниот воден пат што го блокираше Иран, објавува Sky News.
Иницијативата, наречена „Конструкт на поморска слобода“, ќе ги координира дипломатските и економските мерки на сојузниците против Иран и ќе споделува разузнавачки информации за да се обезбеди безбеден транзит.
Во меморандумот се вели дека ќе се надополнат „напорите за поморско планирање предводени од Обединетото Кралство и Франција“.
Повикот за соработка е во спротивност со неодамнешните изјави на претседателот, во кои тој остро ги критикуваше европските сојузници и НАТО.
„Не добивме никаква помош, дури ни од НАТО“, рече Трамп.