Портпаролот на Пентагон, Џон Кирби денеска изјави дека САД разговараат со други држави за да и обезбедат на Украина „видови одбранбени системи кои вклучуваат воздушна одбрана со долг дострел“.
– Ова се активни консултации, посочи Кирби.
Американскиот секретар за одбрана Лојд Остин минатата недела ги посети Словачка и Бугарија, откако присуствуваше на состанокот на министрите за одбрана на НАТО во Брисел.
Си-ен-ен претходно објави дека САД преговараат со Варшава, Словачка да и достави на Украина противвоздушно оружје С-300.
Не е најавен никаков договор меѓу Словачка и САД.
Извор: МИА