Припадниците на Агенцијата за сузбивање на трговијата со дрога (ДЕА) присуствувале на оргиите, кои ги организирале нарко-картелите, се наведува во федералниот извештај на САД.
Во извештајот се прецизира бројот на случаите на недолично однесување на агенти на ДЕА, како и на останатите федерални агенции за спроведување на законите.
Некои обвиненија не се до крај истражени, а некои од случаите не се ниту пријавени, се додава во извештајот.
В едно поглавје се наведува дека агентите на ДЕА присуствувале на забави во странство, на кои гостите ги анимирале странски проститутки, јави Би-Би-Си.
Еден истражен федерален агент изјави дека забавите се одржувале во Колумбија.
За време на забавите во просторијата се наоѓале телефоните и компјутерите на американските агенти, се додава во документот.