Градскиот суд во Тбилиси денеска го прогласи за виновен поранешниот грузиски претседател Михаил Саакашвили за проневера на државни средства и го осуди на девет години затвор, јави ТАСС.
Саакашвили, кој беше претседател од 2004 до 2013 година, претходно беше осуден на шест години затвор за злоупотреба на службената положба по враќањето во Грузија во 2021 година, објави грузиската новинска агенција Интерпрес.
Најголем дел од таа казна ја поминал во затворската болница, пренесува Ројтерс. Судот, исто така, го прогласи за виновен поранешниот шеф на Специјалната служба за државна безбедност, Теимураз Јанаши, но тој е казнет само со нешто повеќе од 1.000 долари.