Генералниот секретар на НАТО Марк Руте денеска ги повика земјите-членки на Алијансата да ги зголемат трошоците за одбрана над заедничката цел од два отсто од БДП.
Руте зборуваше во Лисабон заедно со премиерот на земјата, Луис Монтенегро, кој го повтори ветувањето на Португалија да ја исполни својата цел од два проценти до 2029 година, пренесува Ројтерс.
„Знаеме дека целта од два проценти, која беше поставена пред една деценија, нема да биде доволна за да се одговори на предизвиците на утрешниот ден“, рече Руте.
Тој посочи дека за Алијансата да продолжи да биде силна, земјите-членки мора да се прилагодат и да почнат да инвестираат повеќе во одбраната сега.
Во 2023 година, земјата потроши 1,5 отсто од својот БДП за обврските кон НАТО, цел од два отсто поставена пред една деценија и сега се смета за премногу ниска поради новите предизвици што ги поставува Русија, наведува Ројтерс.