Рускиот министер за одбрана Сергеј Шојгу денеска ќе престојува во официјална посета на Пакистан, која е прва на еден ваков министер во земјата од 1969 година.
Шојгу во Исламабад ќе се сретне со пакистанскиот колега Хаваџа Мухамад Асиф и со премиерот Мохамад Наваз Шариф.
Според портпаролот на руското Министерство за одбрана Игор Конашенков, за време на разговорите ќе бидат разгледани актуелни прашања од регионалната безбедност и активизирањето на воената и воено-техничката соработка меѓу двете земји.
– Раководителите на двете министерства ќе потпишат договор за воена соработка, истакна Конашенков.