Руски војници наградени со речиси 200.000 долари за соборување на американски борбен авион Ф-16 во Украина.
Дванаесет војници ја добија наградата од руската нафтена компанија Форес, која ја вети минатата година.
„Форес го исполни своето претходно ветување и им префрли 15 милиони рубли на војниците на руските вооружени сили за соборување на првиот Ф-16 во зоната на специјални воени операции“, соопшти компанијата.
„На дванаесет војници кои учествуваа во гаѓањето во мета им беа доделени парични сертификати“, се додава во соопштението, во кое се наведува дека церемонијата се одржала на 29 мај.
Наградите се дел од поширока стратегија за охрабрување на Русите да вложат дополнителни напори за уништување на западната воена опрема.
Украина смета дека испораката на борбени авиони Ф-15 и Ф-16 е клучна за одбраната на нејзиниот воздушен простор.
Според достапните информации, Киев изгубил три такви авиони од минатото лето, кога Ф-16 пристигнаа од САД.