Пет лица загинаа во сообраќајна несреќа на автопат во Словенија, а според првичните информации, жртвите се руски државјани.
Според првичните полициски информации, возачот на комбе удрил во камион кој бил во конвој.
„Несреќата беше исклучително трагична, местото на инцидентот сè уште се истражува. Пет лица загинаа, возачот е полесно повреден. Причина за несреќата е неприлагодена брзина. Возачот, украински државјанин, удрил во запрено возило“, изјави Јасна Божич, инспектор на Одделот за патен сообраќај при униформираниот полициски сектор на Полициската станица Целје, во соопштение за медиумите.
Полицијата првично објави дека четири лица загинале, а две се повредени. Подоцна, Главната полициска управа (ГПУ) потврди за СТА дека загинало уште едно лице. Сите биле руски државјани.
Во несреќата учествувало комбе, кое, според првичните информации, превезувало седум лица.