Руски суд денеска донесе одлука дека компанијата во сопственост на рударскиот гигант Норилск Никел мора да плати 146 милијарди рубљи или приближно 1,95 милијарди американски долари за штетата врз животната средина предизвикана од излевање на гориво во рускиот дел на Арктикот во мај минатата година.
Судската постапка беше иницирана од Руската служба за надзор на заштитата на животната средина, која од компанијата Норникел НТЕЦ побара 148 милијарди рубљи за штетата, а проценката на компанијата беше далеку помала и изнесуваше 21,4 милијарди рубљи.
На 29 мај 2020 година, компанијата испушти 21.000 тони дизел во реки и на копно во близина на градот Норилск во Сибир, каде што се наоѓа.
Гринпис го спореди инцидентот со излевањето нафта во 1989 година од танкерот „Валдез“ на компанијата Ексон на Алјаска.
Аналитичарите кои ја следат оваа област велат дека износот на оваа судска отштета е досега невидена во Русија за еколошки прекршок и оти може да испрати силна порака до индустријата дека недоволното вложување во одржување е неприфатливо.