Руската Црноморска флота одби напад со беспилотно летало врз кримското пристаниште Севастопол извршен во текот на ноќта од недела кон понеделник, објави на апликацијата Телеграм прорускиот гувернер на Севастопол Михаил Развозаев.
„Според последните информации, едното беспилотно летало е уништено, а другото самото експлодира. Сега се е тивко, но сите наши сили и служби се во состојба на готовност“, најави Развозајев, тврдејќи дека во нападот нема штета.
Севастопол, исто како и остатокот од украинскиот полуостров Крим, беше анектиран од Русија во 2014 година.
Украина се уште не го коментираше последниот напад со беспилотни летала на Крим, што е во согласност со политиката на Киев да не презема одговорност за напади на руска територија, како и на украински територии контролирани од руските сили.