Руските падобранци зазедоа големи упоришта на вооружените сили на Украина во областа на градот Часов Јар во Доњецката област, а во таа прилика беше уништена единица на непријателска пешадија и снајперисти, соопшти руското Министерство за одбрана.
Часов Јар игра важна улога поради неговата локација и неговото заземање ќе им овозможи на руските војници да ја продолжат офанзивата, која започна кон крајот на пролетта 2024 година во правец Славјанск-Краматорск, пренесува агенцијата РИА Новости.
Руските безбедносни служби објавија дека седумчлената единица на 66-та посебна механизирана бригада на вооружените сили на Украина организирано им се предала на руските сили во близина на Новољубовка во правец на Сватовск, соопшти агенцијата, истакнувајќи дека ја добила соодветната снимка.
Руското Министерство за одбрана објави и дека системи за противвоздушна одбрана во текот на ноќта уништиле 21 украински беспилотно летало над четири региони на Руската Федерација и Црното Море.
