Русија не врши притисок врз Иран да ги продолжи преговорите со САД, изјави постојаниот претставник на Русија во Обединетите нации, Василиј Небензја.
„Русија, во принцип, не врши притисок врз никого, без разлика дали е тоа Иран или која било друга земја“, им рече Небензја на новинарите, одговарајќи на прашање дали Русија врши притисок врз Иран за да го охрабри да ги продолжи преговорите.
Рускиот дипломат нагласи дека Иран е суверена држава и сама ги донесува своите одлуки, пренесува РИА Новости.
Тој рече дека конфликтот меѓу САД и Иран не започнал поради Техеран, туку поради неодговорната и неиспровоцирана агресија на Вашингтон.
„Причината за конфликтот не е она што Иран го направил или не го направил, туку неодговорната и неиспровоцирана агресија што САД ја започнаа против Иран“, им рече Небензја на новинарите.
Тој додаде дека не верува оти Иран не ги почитува договорите.
„Не мислам дека Иран треба да се обвинува за ова“, рече Небензја.