Руските сили ги отсекоа сите патишта за евакуација на жителите на источниот украински град Северодоњецк, уништувајќи го последниот мост што го поврзува со градот што го држат Украинците од другата страна на реката, изјави украински официјален претставник.
Руските сили „се обидуваат да се консолидираат во централниот дел на градот“, соопшти денеска украинската војска во дневниот преглед на конфликтите во различни делови на земјата.
Ситуацијата во Северодоњецк е крајно отежната – Русите уништуваат облакодери и Азот“, објави на Телеграм, Серхи Хајдаи, гувернерот на областа Луганск.
Ден претходно тој рече дека стотици цивили се кријат во областа на хемиската фабрика Азот, која ја гранатираат руските сили.
Украина се повеќе бара повеќе западно тешко оружје за да помогне во одбраната на Северодоњецк, за кој Киев вели дека може да биде клучен за битката за источниот регион Донбас и самата војна, која сега е во четвртиот месец.
Во понеделникот Хајдаи на социјалните мрежи рече дека околу 70 отсто од градот е под непријателска контрола, а уништувањето на последниот мост на реката кон Лисичанск значи дека сите цивили кои се уште се во Северодоњецк се заробени и дека е невозможно да се достави хуманитарен материјал.
Во украинскиот извештај за воената ситуација се наведува дека непријателот „создава услови за офанзива на Славјанск“ и офанзива на градовите Лиман, Јампил и Сиверск – западно од Северодоњецк и Лисичанск.
Доцна синоќа, претседателот Володимир Зеленски изјави дека битката за источен Донбас ќе помине како една од најбруталните во европската историја.
Руските сепаратисти претендираат на регионот, кој се состои од провинциите Луганск и Доњецк.
„За нас, цената на оваа битка е многу висока. Тоа е само застрашувачко“, рече тој.