Официјално е потврдено дека бригадниот генерал Рашид Бакдаш, кој на почетокот на сирискиот конфликт дезертирал од сириската армија и се приклучил на исламистичките милитанти во Латакија, е убиен во жестокото бомбардирање на планината Џабал Туркман.
Таму денеска навлезе и сириската армија и силите на Хезболах по што ги потиснаа исламистите од Ал-Нусра Фронт и припадниците на „Туркменистанската партија“.
Веста прво ја објави сирискиот портал Waha Report, а подоцна на Твитер беше потврдена од страна на “ Слободната војска на Сирија“ и на страницата Ahrar Al-Mgheer каде се наведува дека бригадниот генерал Рашид бакташ “умрел како маченик во болница во Турција“ како последица на раните здобиени во офанзивата на руското воено воздухопловство.
Според одредени медиуми, посебно во Русија, генералот Бакдаш заедно со припадниците на „Туркменистанската исламистичка партија“ од страната на Сирија го координирал соборувањето на рускиот авион Су-24.