Руската армија соопшти дека соборила четири ракети HARM од американско производство над нејзина територија, во околината на Белгород, во близина на границата со Украина, каде Москва спроведува офанзива од февруари.
„Четири американски антирадарски ракети HARM беа соборени во воздушниот простор околу Белгород“, соопшти руското Министерство за одбрана во дневниот извештај објавен на Телеграм, без дополнителни детали.
Руската страна претходно тврдеше дека Украинците ја нападнале областа Белгород во Русија.