Виталиј Ким, гувернерот на Миколаев, на Телеграм објави дека во текот на ноќта во неговиот регион Украина соборила 12 проектили и девет беспилотни летала камикази Шахед-136. Тој не пријавил жртви во регионот.
Кирило Тимошенко, помошник на украинскиот претседател, на Телеграм предупреди дека денеска се можни вонредни прекини на струја за да се стабилизира снабдувањето, по вчерашниот руски напад врз енергетската инфраструктура.
Тимошенко ги наведе регионите Волин, Житомир, Лавов, Суми, Тернопил, Харков и Хмелницки како области каде комуналните услуги сè уште не се целосно вратени за целото население.