Руското министерство за надворешни работи очекува случајот „Пуч“ да биде предмет на темелна истрага во интерес на стабилноста и на безбедноста во Македонија.
„Ги повикуваме сите политички сили во земјата да дејствуваат во рамките на уставните демократски институти, а постоечките проблеми да ги решаваат по пат на дијалог. Било какво разнишување на состојбите во пријателската Македонија носи ризик за опасно заострување на меѓуетничките тензии во земјата. Повторно се потврдува актуелноста на рускиот предлог за усвојување, во рамките на ОБСЕ, на документ за недозволивост на противуставни државни удари“, се вели во соопштението на руското МНР.