Париската спогодба за климата не може да се исполни без САД, изјави помошникот на рускиот претседател Владимир Путин, Андреј Белоусов, јави ТАСС.
– Сосема е очигледно дека без учество на САД Париската спогодба ќе биде неефикасна со оглед на тоа што САД се меѓу најголемите емитувачи на штетни гасови, кои го предизвикуваат ефектот стаклена градина, рече тој на маргините на Петербуршкиот економски форум.
– Плановите на Русија, во врска со учеството во Париската спогодба, не зависат од одлуките на нејзините партнери, дури ниту од оние поголемите како САД, рече Белоусов.
Тој додаде дека Русија засега се уште ја анализира оваа одлука.