Москва нема да го обнови со децении стариот договор со Вашингтон за намалувањето на нуклеарното и хемиското оружје кога ќе истече следната година, изјави во средата навечер заменикот на рускиот министер за надворешни работи, Сергеј Рјабков.
Важноста на договорот за намалувањето на нуклеарното и хемиското оружје меѓу САД и Русија потпишан во 1991 година, досега беше двапати обновуван, а последниот пат во серијата тензии во односите меѓу двете велесили и фрла сомневање врз иднината на новите односи меѓу жестоките непријатели од периодот на идеолошката Студена војна од средината на минатиот век.
Русија очигледно веќе не е заинтересирана за ткн Нан-Лугар програмата, позната и како Кооперативна програма за намалување на заканите, која беше осмислена во 1990-те и со која се уништија десетици парчиња нуклеарно, биолошко и хемиско оружје по распаѓањето на поранешниот советски сојуз.
„Основата на програмата е договор од 1991 година, кој, имајќи ги предвид времето кога е постигнат, начинот на кој е разработен и подготвен, не ги задоволува многу високите стандарди. Не сме задоволно од него, особено земајќи ги предвид новите реалности”, изјави Рјабков.