„Русија не планира да ги напушти окупираните територии во Украина“

Од:

Специјалниот пратеник на американскиот претседател за Украина, Кит Келог изјави дека Русија не планира да ги напушти окупираните територии на Украина, но легално тие остануваат дел од Украина.

„Русија нема да се откаже од контролата врз привремено окупираните територии на Украина, иако де јуре тие не се дел од Руската Федерација“, изјави Кит Келог, специјалниот пратеник на американскиот претседател за Украина, во интервју за Фокс њуз.

Според него, во секое разрешување на војната важно е да се направи разлика помеѓу фактичката и правната контрола. Така, Русите се физички присутни на окупираните територии и не планираат да ги напуштат, но легално овие територии остануваат дел од Украина.

“Де факто тоа значи дека тие физички ја окупираа територијата и нема да ја напуштат. Но, де јуре, не можеме да кажеме дека целосно ја анектираат. Меѓународната заедница не ја признава оваа територија како дел од Русија. Тоа се тешки дискусии кои допрва треба да се водат”, рече американскиот дипломат.

Тој нагласи дека за да се најде политичко решение потребно е да се разберат позициите и на Украина и на Русија и да се најде компромис кој барем делумно ќе ги задоволи двете страни.

“Мислам дека треба да го добиеме она што може да го наречете технички бриф. Што сакаат Украинците? Што сакаат Русите? Тогаш вреди да се соберат тие позиции и да се најде опција која може да ги задоволи двете страни. Но, се разбира, ниту една од нив нема да добие се што сака”, заклучува Келог.

Би можело да ве интересира

(ВИДЕО) Русите го нападнаа Киев со дронови: избувнаа пожари, седуммина загинати

Истрага: Швајцарската тајна служба соработувала со Русите

ВИДЕО: Што е „Воздушна тврдина“, украински систем за борба против дроновите Шахед

Првпат по три години, Русија води офанзива во областа Днепропетровск во Украина

ВИДЕО: Голем напад со дронови на Москва, затворени аеродроми

Германија стравува од руски напад: Имајте залихи за десет дена