Русија: На Надеждин му се забрани да се кандидира на претстојните претседателски избори

Од:

Врховниот суд на Руската Федерација ја потврди одлуката со која му се забранува на политичарот Борис Надеждин да се кандидира на претстојните претседателски избори.

Надеждин, кој е член на градскиот совет Долгопрудниј во Московската област и беше номиниран за претседателски кандидат од партијата Граѓанска иницијатива, е познат како отворен противник на војната во Украина.

Во соопштението објавено на социјалните мрежи, Надеждин рече дека ќе се жали на пресудата со која се забранува неговата кандидатура.

Партијата што го поддржа, Граѓански иницијативи, нема пратеници во Државната дума, а рускиот изборен закон налага кандидатите номинирани од вонпарламентарните партии да соберат најмалку 100.000 валидни потписи за да ја пријават својата кандидатура.

Надеждин успеа да собере 105.000 потписи, но руската Централна изборна комисија прогласи повеќе од 9.000 потписи од списокот за неважечки, што автоматски го дисквалификува од претседателската трка.

Според руските закони, потенцијалните кандидати можат да ги откажат најмногу пет проценти од потписите за кандидатура.

Досега четворица кандидати, меѓу кои и актуелниот претседател Владимир Путин, се потврдени како кандидати за претседателските избори закажани за 15-17. Март. Ниту еден од тројцата противници на Путин не се смета за вистински опозициски претставник, бидејќи сите имаат некаква поддршка од Кремљ.

Би можело да ве интересира

(ВИДЕО) Интервју со Димитриевски: Исклучувам постизборна коалиција со СДСМ, дел од раководството треба да одговара

Александар Тодески

Потпишан Кодексот за фер и демократски парламентарни избори

Горан Наумовски

Русија: Водостојот на реката Тобол достигна „опасно ниво“

Отворени избирачки места на парламентарните избори во Хрватска

Нема плата ако не гласате, не може да извадите возачка, парични казни – Земји каде гласањето е задолжително

Десна на Палчо излегува на парламентарни избори: Новиот претседател на партијата носител во единицата

Александар Тодески