Портпаролот на руското Министерство за одбрана Игор Конашенков изјави дека руските сили ја презеле контролата врз селото Блаходтна, на околу 5 километри од Бахмут.
Тој изјави дека во битките за Блаходтна учествувале доброволци на јуришни единици, со поддршка на оперативно-тактичката и армиската авијација, ракетните трупи и артилеријата на Јужната борбена група, пренесува ТАСС.
Некои од најтешките битки во Украина се водат околу Бахмут во последните недели. Приватната воена група Вагнер, означена од САД како транснационална криминална организација, во саботата соопшти дека нејзините единици ја презеле контролата врз Блаходтна, но Киев тврди дека нападот врз селото бил одбиен, пренесе Ројтерс.