Руската државна новинска агенција Тас објави дека властите во Русија идентификувале уште еден осомничен за експлозијата во која загина воениот блогер Владлен Татарски во кафуле во Санкт Петербург.
Цитирајќи ги властите, пишува дека нападот „го подготвил член на украинската диверзантско-терористичка група, државјанин на Украина Јуриј Денисов, роден 1987 година, кој префрлил експлозивна направа камуфлирана во гипс биста со брза испорака преку посредник до Москва“. Тас додаде дека „покрената е постапка за негово поставување на меѓународна потерница“.