Руските сили го нападнаа Киев со балистички ракети. Во главниот град и во голем број други региони е прогласена воздушна тревога, објавува Украинска правда.
Градоначалникот на Киев, Виталиј Кличко, го потврди нападот. „Експлозии во главниот град. Киев е под балистички напад. Силите за воздушна одбрана работат. Останете во засолништата!“, рече Кличко.
Тимур Ткаченко, началник на градската воена администрација на Киев, исто така, објави дека „е во тек непријателски напад со балистички ракети“. Украинските воздухопловни сили објавија брзо движечки воздушни цели над Черниговската област, кои се движат кон Киевската област, а потоа и кон самиот главен град.