Експертските разговори меѓу Русија и Иран за иранската нуклеарна програма не забележаа напредок, иако се водени во позитивна атмосфера, изјави денеска главниот руски преговарач, заменик-министерот за надворешни работи Сергеј Рјабков.
Тој напомена дека е постигнат „одреден напредок“, дека тој е „вистински, но недоволен за да се зборува за придвижување напред“.
Рјабков по денешните разговори со иранската делегација во Истанбул истакна дека двете страни имаат имаат „уште многу домашни задачи“, пред да се одржи четвртата рунда разговори на високо ниво во Алмати на 5 и 6 април.
Европската унија соопшти дека светските сили, петте постојани членки на Советот за безбедност на Обединетите нации и Германија му доставиле на Иран нови детали од предложениот договор, кој има за цел да и стави крај на меѓународната загриженост, околу нуклеарната програма на Техеран.
Шесторката минатиот месец му понуди на Иран ублажување на санкциите на извоз на нафта или финансиското работење, во замена за отстапки околу контролата на чувствителното прашање за збогатување ураниум.