Романскиот Сенат едногласно ја одобри денеска владината уредба број 14, со која се поништува спорната уредба број 13 од 2017 година за измени на Кривичниот законик, јави Аџерпрес.
Спорната уредба беше поништена со 120 гласови „за“ во Горниот дом на Парламентот и сега треба да биде испратена во Претставничкиот дом, каде ќе се донесе конечна одлука за овој случај.
Со вонредната уредба 3/2017 усвоена ноќта на 31 јануари се внесуваат измени во Кривичниот законик, со кои се предвидува декриминализација на некои случаи на злоупoтреба на службената должност.
По серијата масовни протести Владата одлучи да ја повлече уредбата.