Поголема група пратеници во романскиот Парламент покренаа иницијатива за прогласување на Меѓународниот ден на детето – 1 јуни за неработен ден во Романија, објави денеска весникот „Евениментул зилеј“.
Во иницијативата, предложена од 85 пратеници од различни политички партии, се наведува дека на овој начин сакаат да ги поттикнат родителите да минуваат повеќе време со своите деца,
– Времето што родителите го минуваат со своите деца е наједноставен и најефикасен начин за создавање и развој на здрава врска меѓу родителот и детето, се посочува во предлогот.
Иницијативата за прогласување на 1 јуни за неработен ден веќе е доставена на разгледување до горниот дом на Парламентот, Сенатот.