Романската Социјалдемократска партија освои 45,67 проценти од гласовите во Сенатот и 45,47 отсто во Претставничкиот дом според конечните резултати од парламентарните избори одржани на 11 декември, изјави заменик-претседателот на Централното изборно биро Мариан Мухулец.
Десноцентристичката Национално-либерална партија добила 20,41 отсто од гласовите во Сенатот и 20,04 проценти во Претставничкиот дом.
Сојузот за спас на Романија има 8,92 отсто во Сенатот и 8,87 проценти во Претставничкиот дом, Демократската унија на Унгарците во Романија – 6,24 во Сенатот и 6,18 во Претставничкиот дом, Алијансата на либералите и демократите – шест процент во Сенатот и 5,63 отсто во Претставничкиот дом и Партијата народно движење – 5,65 отсто гласови во Сенатот и 5,34 проценти во Претставничкиот дом.
Во Сенатот Социјалдемократите ќе имаат 67 места, Национално-либерална партија 30 места, Сојузот за спас на Романија – 13, Алијансата на либералите и демократите – девет, Демократската унија на Унгарците во Романија – девет, Партијата народно движење – осум. Во Претставничкиот дом Социјалдемократска партија доби 154 места, Национално-либерална партија – 69, Сојузот за спас на Романија – 30, Демократската унија на Унгарците во Романија – 21, Алијансата на либералите и демократите – 20 и Партијата народно движење – 18 места.