Романија се наоѓа на прво место во Европа по употреба на антибиотици, изјави денеска романскиот министер за здравство, Влад Војкулеску.
Тој нагласи дека три проценти од Романците секој ден земаат антибиотици, а во Романија има 70 отсто поголема побарувачка на лекови од просечното европско ниво.
– За жал стигнавме до прво место во Европа по употреба на антибиотици, истакна Војкулеску.
Меѓу факторите, кои придонесуваат за прекумерна употреба на антибиотици, министерот ги наведува механизмите за контрола во болниците, недоволниот број на специјалисти за инфективни болести во здравствените установи, како и едукацијата на населението.