Повеќе од 20.000 американски федерални вработени, околу еден процент од владината работна сила, ја прифатиле понудата да си заминат од работните места во замена за продолжување на платата до крајот на септември, изјави извор за Ројтерс.
Кон крајот на минатиот месец, администрацијата на американскиот претседател Доналд Трамп понуди финансиски стимулации за два милиони цивилни федерални работници со полно работно време да дадат оставка како дел од плановите за драстично намалување на големината на владата.
Тие имаат рок до сабота да одлучат дали ќе ја прифатат понудата на администрацијата, пренесува Ројтерс.