Висок функционер во американската Агенција за меѓународен развој (УСАИД) преку е-пошта ги предупреди вработените дека распуштањето на агенцијата, наредено од администрацијата на американскиот претседател Доналд Трамп, ќе доведе до непотребни смртни случаи, за да испрати втора е-пошта до вработените 20 минути подоцна во која се вели дека е ставен на „административно отсуство“, објави денеска Ројтерс.
Вршителот на должноста помошник администратор за глобално здравје на УСАИД, Николас Енрих, во меморандум од седум страници до персоналот, што го видел Ројтерс, рече дека „политичкото раководство“ го оневозможило испораката на хуманитарна помош која спасува животи ширум светот, што е спротивно на гаранциите на американскиот државен секретар Марко Рубио дека таквата помош ќе продолжи и покрај кампањата за намалување на трошоците.
Енрих, сепак, 20 минути подоцна испратил уште една е-пошта до вработените, до која имал и Ројтерс пристап, во која тој изјавил дека „штотуку добил известување дека е ставен на административно отсуство“, кое стапи во сила веднаш.