Новиот ирански претседател Хасан Рохани изрази подготвеност да го олесни дијалогот во Сирија меѓу режимот на претседателот Башар Асад и опозицијата.
– Владата е подготвена да помогне за олеснување на дијалогот меѓу сириската Влада и опозицијата, потенцира Рохани во статија објавена на сајтот на Вашингтон пост.
Рохани кој побара да се сретне со францускиот претседател за време на Генералното собрание на ОН следната недела, додава дека колегите претседатели треба да ја искористат можноста која ја дава неговиот неодамнешен избор за претседател на Иран.
– Конструктивните напори на дипломатијата не значат негирање барања, туку значат средби со колегите на рамноправно ниво и меѓусебно почитување за да се одговори на заедничките проблеми и постигнувањето заеднички цели, наведе Рохани.