Родители на малолетното дете од Модена, Италија, кое поради проблеми со срцето морало да се оперира, останаа без своите права.
Судот за малолетници во Болоња привремено ги лишил од родителските права, бидејќи побарале од болницата, ако има потреба, да му дава на детето само крв од луѓе кои не биле вакцинирани против Ковид-19.
Детето наскоро ќе биде оперирано и ќе добие трансфузија на крв со која располага болницата, без разлика дали крвта е дарувана од вакцинирани или невакцинирани лица.
Таткото објасни дека тој и неговата сопруга сакаат неговото дете да прима крв само од невакцинирани луѓе бидејќи се плашат дека дел од протеинот Спајк може да му се префрли.
Исто така изјавил и дека тој и неговата сопруга останале без зборови кога слушнале дека судот донел таква одлука.