Риши Сунак, кој вчера беше избран за лидер на ториевците, денеска и официјално беше назначен за премиер на Велика Британија.
Сунак денеска одржа средба со кралот Чарлс Трети, од кого доби мандат да формира влада.
Тој наскоро ќе и се обрати на јавноста пред Даунинг стрит 10, официјалната резиденција.
Сунак влезе во трката за премиер по оставката на Лиз Трас.
„Обединетото Кралство е одлична земја, но ние се соочуваме со длабока економска криза. Затоа се кандидирам за лидер на Конзервативната партија и за вашиот следен премиер“, напиша Сунак на Твитер.