Поранешниот командант на Иранската револуционерна гарда и воен советник на Врховниот лидер на Иран, Мохсен Резаи, изјави дека ако САД продолжат со војната, Техеран ќе им го загорчи животот на Американците и ќе предизвика големи проблеми за американската економија, објави американската телевизија Фокс њуз.
– Исламската Република ви кажува дека ако продолжите со војната, тоа ќе им го загорчи животот на американскиот народ и ќе предизвика големи проблеми за американската економија – рече Резаи на прес-конференција.
Тој рече дека Техеран му предложил на Вашингтон „патот со најмала цена“ и дека сака фер преговори.