Агентите на службата за борба против наркотици на Хондурас запленија рекордно количество хемикалии за производство на метамфетамин, дури 14 тони, за време на операцијата, во која се конфискувани и 100.000 долари во имот, соопштија федерални обвинители.
Супстанците се откриени под една куќа во градот Патагалина во северниот дел од земјата, на главната траса на шверцерите со дрога, која мексиканските и колумбиските картели ја пренесуваат во САД, се наведува во соопштението.
Поради кампањата на мексиканската Влада против шверцот на дрога, членовите на картелите биле принудени да тргуваат во Хондурас.
Колумбиските картели, исто така, се активни во оваа земја, која има највисока стапка на убиства во светот.