Канадската гранична полиција синоќа соопшти дека запленила речиси 2,5 тони опиум скриен во контејнери кои минувале низ пристаништето Ванкувер, додавајќи дека тоа е најголемата заплена на тој вид дрога.
„Тоа е најголемата заплена на опиум досега во државата“, соопшти полицијата, додавајќи дека во 247 пластични транспортни палети распоредени во неколку контејнери се запленети точно 2.486 килограми опиум.
Заплената е резултат на истрагата што ја започна канадската полиција во септември.
Ванкувер е најголемото пристаниште во Канада и главната точка за пристигнување на стоки од Азија.
Канадските власти не го прецизираа потеклото на опиумот и не соопштија дали во операцијата има и приведени.
Извор: МИА