Жителите во североисточниот дел на САД во долги редици чекаат на бензинските пумпи.
По ураганот Сенди, во кој загинаа 90 лица, а направена е штета од 30 милијарди долари, сега Американците на северот се соочуваат со недостиг на бензин и тешкотии во превозот.
Редиците на бензинските пумпи се долги и по неколку километри и почнуваат од зори.
Имало и неколку тепачки меѓу оние кои чекале на пумпите во Њујорк и Њу Џерси. Но ситуацијата се влошува и се очекува некои области да останат и без струја до 11 ноември. Многу њујорчани ги разгневи одлуката на градоначалникот Блумберг овој викенд сепак да се одржи традиционалниот маратон, но тој одговори дека Њујорк е град кој мора да продолжи да живее.