Земјотрес со интензитет од осум степени според Рихтеровата скала го погоди денеска Иран, соопшти американскиот Геофизички институт.
Потресот се случил во близината на границата со Пакистан во 10:44 часот според Гринич. Епицентарот бил на 90 километри од иранскиот град Каш, на длабочина од 120 километри.
Земјотресот е почувствуван во регионот на Персискиот Залив и во главниот град на Индија, Њу Делхи.
Засега нема информации за евентуални жртви.