Бројот на ученици во Австрија на кои германскиот не им е мајчин јазик е зголемен во минатата школска година и истовремено е регистрирано намалување на бројот на ученици во државата.
Во австриските школи запишани се околу 234.000 ученици на кои германскиот не им е најчин јазик, се вели во студија на Медиен-Сервисштеле.
Тоа одговара на податок од околу 21 отсто од вкупниот број деца во Австрија.
Бројот на деца на кои германскиот не им е мајчин јазик е зголемен во однос на претходната година за 7.700, односно еден отсто. Најголем дел од тие деца се во Виена – 46 отсто, а најмалку во Корушка – 11 отсто. Во Виена две третини од ученици во основно зборуваат друг мајчин јазик.